நடைபெறவுள்ள பொதுத் தேர்தலில் நல்லாட்சிக்கான தேசிய முன்னணி, ஸ்ரீ லங்கா முஸ்லிம் காங்கிரஸுடன் இணைந்து மட்டக்களப்பு மற்றும் திருகோணமலை ஆகிய மாவட்டங்களில் போட்டியிடவுள்ளதாக தெரியவருகிறது.
ஸ்ரீ லங்கா முஸ்லிம் காங்கிரஸ் மட்டக்களப்பு மாவட்டத்தில் தனித்து மரச்சின்னத்தில் போட்டியிடுகிறது. திருகோணமலை மாவட்டத்தில் ஐக்கிய தேசியக் கட்சியுடன் இணைந்து யானைச் சின்னத்தில் போட்டியிடுகிறது.
இந்நிலையிலேயே நல்லாட்சிக்கான தேசிய முன்னணிக்கும் ஸ்ரீ லங்கா முஸ்லிம் காங்கிரசுக்குமிடையில் எட்டப்பட்டுள்ள இணக்கப்பாட்டின் அடிப்படையில் ந.தே. முன்னணி சார்பில் மட்டக்களப்பு மாவட்டத்தில் ஒரு வேட்பாளரும் திருகோணமலை மாவட்டத்தில் ஒரு வேட்பாளரும் மு.கா. பட்டியலில் போட்டியிடவுள்ளனர்.
இதற்கமைய மட்டக்களப்பு மாவட்டத்தில் நல்லாட்சிக்கான தேசிய முன்னணியின் தவிசாளர் பொறியியலாளர் எம்.எம்.அப்துர் ரஹ்மானும் திருகோணமலை மாவட்டத்தில் ந.தே.முன்னணியின் தலைமைத்துவ சபை உறுப்பினர் டாக்டர் ஸாஹிரும் போட்டியிடவுள்ளதாக அறிய முடிகிறது.
இது தொடர்பான உத்தியோகபூர்வ அறிவிப்பு இன்றைய தினம் மு.கா. தலைமையகமான தாருஸ் ஸலாமில் நடைபெறவுள்ள விசேட செய்தியாளர் மாநாட்டில் வெளியிடப்படவுள்ளதாக தெரிவிக்கப்பட்டுள்ளது.
-Vidivelli-
Post a Comment