இலங்கையுடன் டெஸ்ட் தொடரில் மோதும் இந்தியா: போட்டி அட்டவணை அறிவிப்பு

இந்திய அணியின் இலங்கை சுற்றுப் பயணத்துக்கான போட்டி அட்டவணையை ஒளிபரப்பு நிறுவனமான சோனி சிக்ஸ் வெளியிட்டுள்ளது. இந்திய கிரிக்கெட் அணி அடுத்த மாதம் (ஆகஸ்ட்) இலங்கையில் சுற்றுப்பயணம் செய்து 3 டெஸ்ட் போட்டிகள் கொண்ட தொடரில் விளையாடுகிறது. இதன் முதல் டெஸ்ட் போட்டி ஆகஸ்ட் 12ம் திகதி காலேயில் தொடங்குகிறது. 2வது டெஸ்ட் போட்டி 20ம் திகதி கொழும்பிலும், 3வது மற்றும் கடைசி டெஸ்ட் ஆகஸ்ட் 28ம் திகதி பல்லேகலிலும் நடக்கிறது. இந்த டெஸ்ட் தொடரின் ஒளிபரப்பு உரிமத்தை சோனி நிறுவனம் பெற்றுள்ளதால் அந்த நிறுவனம் போட்டி அட்டவணையை வெளியிட்டுள்ளது. இருப்பினும் இந்திய கிரிக்கெட் வாரியம் இந்தப் போட்டி அட்டவணையை இன்னும் உறுதிப்படுத்தவில்லை.